"Kero rekomendar a Yossi Ben Dor tanto komo konferesante sobre los desendientes de los anusim oy en diya, tanto como instruktor en Espanya, inde mas en Kataluniya. En el marko de un kurso ke yo kordine, Yossi impartio la instruktiva konferensia ¨Los desendientes de los anusim konfrontando la realida¨ La konferensia fue fluyida i akompaniyada de una  prezentasion esklaresedora. Se debe destakar el profundo konosimiento de Yossi sobre los retos ke konfrontan los espaniyoles ke deskubren sus raizes judias i se preguntan ke azer kon esto despues de mas de 500 anios en su kondizion de anusim.  Ay kenes saben ablar de la istoria de los anusim, ama Yossi reune la informasion para tratar los retos aktuales de los desendentes de akeyos anusim de oy en diya, lo ke eksige el konosimiento de las personas mesmas, ke se enfrentan kon dilemas de kommemorasion i memoria.

¨Tu konferensia i aktividad en favor de los desendentes de anusim es, a mi entender, una labor sagrada. Malerozamente este asunto apenas se konose en Israel ande mas aun ariento del sistema de edukasion. Seria mijor ke todos oyeran i eksperimentaran a traves de ti i de tu konferensia el tema de los anusim i su vinkolo kon el pueblo judio i el Esdado de Israel. Estuve en tu konferensia i vide enkontros kon desendentes de anusim i para mi, aun en mi kondision de istoriador fue una gran eksperiensia fuerte  i  unika.  Dezeo ke sean munchos los ke puedan tener el mazal de oyir tus interezantes konferensias, i ke puedan  interersarsen en el tema de los anusim.

¨Tuve el privilegio de oyir  la konferensia de Yossi Ben Dor sobre  este fasinante tema aze unos mezes antes. Kedi profundamente impresionado por el konosimiento de Yossi. Yossi estudio i investigo el tema asta el fondo i impartio la konferensia de manera interesante, kon imagines i eksperiensias personales. La konferensia fue maraviyoza en espesial por komensar de lo parsonal i istoriko de Yossi i su famiya. Este vinkulo personal  i las istorias i vivensias ke kompartio Yossi kon el publiko, bushkando informasion i kontinuando kon las ueyas del pueblo judio en esa epoka de muestra istoria me izo yorar de emosion. Se ve perfektamente ke Yossi entiende este tema fasinante i se siente muy serkano a el.  Rekomendo muy muncho eskuchar la konferensia de Yossi. Enrikezi mis konosimientos i tambien me emosioni.¨

¨La vedra es mas fuerte ke la imaginasion. Estamos en el anio 2018, i no saviya i no kreiya ke pudieran akonteser kozas ansi en el pasado. Yossi konta las kozas kon emosion, kontagiando a los oyentes, siendo imposible permaneser indiferentes kon los deskubrimientos ke surgen de las istorias sobre la kondision de los judios kontemporeneos  okultos en la diaspora, partidos entre el pasado i el prezente. Rekomiendo a todo akel ke bushke ampliar sus orizontes i eskuchar kozas ke no se eskuchan en dingun kanal de televizion, estasion de radio o gazeta, akudir a esta konferensia tan espesial.¨

¨Sobre el Olokausto todos estudian porke paso solo 70 anios antes, ama sobre la ekspulsion de Espanya  oyemos solamente en el konteksto de las diskulpas ofisialas i de la entrega del pasaporte espanyol a los sefardis. Dinguno se demanda ke akontesio kon los desendentes ke se pedrieron en el kamino. Yo tenia una parte del rompekavesas sin rezolver i tu Yossi, me ayudates a topar la pieza ke me faltaba. Eskuche tu konferensia ¨Los desendentes de los anusim sfuenyo  i realidad¨, una konferensia fasinante, konmovedora y yena de fuersa ke kedara grabada en mi memoria durante  munchos anios, konferensia akompanyada de una prezentasion i unas ermozas imagines. Kon tu ayudo Yossi, aserkas los korasones i a retornar a los desendientes a su kaza, entregandomos una memoria lejana i serkana komo desendiente de la sivda de Tarragona. Te dezeo ke kontinues siempre kon tu bendicha  labor.¨

"La konferensia de Yossi Ben Dor Tarragan no se limito a lo informativo sino ke fue ante todo emosionante  i vigorizante. La ekspulsion de  Espanya fue un ¨Big Bang¨en el mundo judio i los resultados se ven asta el diya de oy. Los desendentes de los anusim son supervivientes de akel olokausto i sirven de testigos , no solo simbolikos de lo ke  akontesio al final del siglo XV en Espanya i en el komienzo del siglo XVI en Portugal. En la konferensia de Yossi se vuelve a serar un sirkolo magiko de los desendentes de los anusim ke konservaron en sus almas no siempre de modo konsiente  las vivensias de akellos duros akontesimientos, a eskondidas del mundo kristiano por un lado, i por otro lado, frente a los desendentes de los ekspulsados ke konservaron de manera ekspresamente konsiente la tradision de sus antepasados a pezar de sus diasporas por el mundo, por los paizes mediteraneos, Evropa i  mas adelantre tambien en Estados Unidos en las vivas komunidades sefardies, en toda su rikeza kultural. Aki, en Israel,  torna a surgir la pregunta de komo se serara el sirkolo de los ermanos ke fueron separados los unos de los otros aze mas de 500 anios. Esto es la esenzia de la konferensia de Yossi Ben Dor.¨

¨Grasias por la konferensia de oy. Az abierto una kaja de pandora deskonosida i de una fuersa ekstraordinaria.  El tema tiene de menester un numero de mas konferensias. El asunto eksigiria muncho pensamiento sobre muestro pueblo i su futuro.  Posiblemente tambien eksigiria la realizasion de averiguasiones i konsultas, ama  ignoro frente a ken. Esto bastante sorprendido.¨